پنجابی زبان خطرے وچ   ، تعلیمی اداریاں توں کیوں غایب اے؟سرکار نے حالے تک کیہ کیتا؟:جسٹس جواد حسن ۔۔۔۔٭رویل نیوز٭

لاہور(نمایندا رویل) جسٹس جواد حسن نے پنجاب وچ پنجابی زبان نال ماڑے ورتارے دے حوالے نال ریمارکس دیندیاں کہیا اے کہ پنجابی زبان نوں جے تعلیم دی زبان نہ بنایا گیا تے ایس دے مُکن دا خطرا اے۔اسسٹنٹ اٹارنی جنرل نے دسیا کہ پنجابی نوں صرف اختیاری مضمون دے طور تے پڑھایا جا رہیا اے۔جسٹس جواد حسن نے ہور کہیا کہ پنجابی زبان پاک و ہند دا کلچر اے ایس نوں نظر انداز نہیں کرنا چاہیدا اے تے ایس نوں تعلیم دی زبان بنایا جا وے۔لاہور ہائیکورٹ وچ پنجابی زبا ن نوں لازمی مضمون دی حیثیت نال لاگو کروان واسطے درخاست دتی گئی اے تے ایس درخاست راہیں وزیر اعظم تے وزیر اعلا پنجاب نوں وی فریق متھیا گیا اے۔