kraamaat@gmail.com
+ +92 333-430-6384


مینوں کدی وی دولت دی سدھر نہیں رہی: عرفان کھوسٹ۔۔۔٭رویل نیوز٭


نمائندا رویل December 30, 2020


لاہور (نیوز ڈیسک) فلم‘ ٹی وی‘ ریڈیو تے تھیٹر دے لیجنڈ اداکار عرفان کھوسٹ نے کہیا اے کہ میں اپنی موجودا زندگی توں مطمین آں‘ خدا دی ذات نے ہر اوہ شے عطاء کیتی جہدی میں سدھر وی نہیں کیتی سی۔ خصوصی گلبات کردیاں ہویاں اوہناں نے کہیا کہ میں اپنے رب توں قناعت منگی سی تے خدا دی ذات نے مینوں دِتی تے ایہو شے میرے بچیاں وچ وی منتقل ہوئی۔ میں عمر نہیں لنگھائی سگوں بھرویں زندگی گزاری اے۔ عمر اوہ ہوندی اے جہڑی اپنیاں دے بغیر لنگھ جاوے تے زندگی اپنیاں دے نال گزاری جاندی اے تے میں خُش قسمت آں کہ میں اپنیاں دے نال بڑی خوبصورت زندگی لنگھائی اے۔ اوہناں نے کہیا کہ مینوں کدی وی دولت دی خاہش نہیں رہی تے نہ ای کدی ایہد تعاقب کیتا۔