لاہور:جیلانی پارک وچ پُھلاں دی نمائش شروع ـــــ رویل

لاہور(نمائندا رویل) ہر ورھے دی طرحاں ایس ورھے وی دسمبر دے مُڈھ وچ ای گُل داؤدی دی نمائش دا پربندھ کیتا گیا اے۔ایس نمائش دا لاہور دے واسی بڑی شدت نال انتظار کردے نیں تے ایس دی تیاری وچ ریس کورس دی انتظامیا بھر پور تیاری کردی اے۔ایس ورھے نومبر دی اُنتی تریخ نوں پُھلاں دی نمائش دا افتتاح ہویا تے پہلے دن ای وڈی تعداد وچ لوکاں نے ایس نمائش ول رُخ کیتا۔ایس نمائش وچ مرداں ،سوانیاں توں وکھ بالاں نے وی ہمیش وانگ اپنی دلچسپی وکھائی اے۔ سوشل میڈیا تے تصویراں لاون دے چاہ دے کارن ایتھے تصویراں بناون والے پروفیشنل وی وڈی تعداد وچ آندے نیں۔ایہ پُھلاں دی نمائش جتھے لاہوریاں نوں چنگی تفریح دیندی اے اوتھے رُکھاں نال جیون نوں شنگارن دا درس وی ملدا اے۔ ایہ نمائش 8 دسمبر تک جاری رہوے گی۔