حکومت سارے محاذاں اُتے ناکام ہو گئی اے: شیر پاؤ۔۔۔٭رویل خبر٭

پشاور (نیوز ڈیسک) قوم وطن پارٹی دے چیئرمین آفتاب احمد خان شیر پاؤ نے کہیا اے کہ حکومت سارے محاذاں اُتے ناکام ہو گئی اے۔ آفتاب شیر پاؤ نے کہای کہ خراب طرز حکمرانی دی وجھا توں ہُن صوبا پنجاب دے لوکاں وچ احساس محرومی پیدا ہو گیا اے۔ اوہناں نے کہیا کہ بے تحاشا قرضا لین دے باوجود وی حکومت ملکی معیشت نُوں بہتر نہیں کر سکی جو موجودا حکمراناں دی نا اہلی اے۔ اوہناں نے کہیا کہ لوک حکومت دیاں لوکائی دشمن پالیسیاں دی وجھا توں حکمراناں توں اَک چُکے نیں کیوں جے پچھلے ڈھائی سالاں وچ ایہناں دیاں اوکڑاں وچ انھا وادھا ہو گیا اے۔ حکومت ولوں پٹرول تے بجلی دیاں قیمتاں وچ حالیا وادھے نُوں رَد کردے آں۔