سفارش تے شارٹ کٹ دی قائل نہیں:  اداکاراخوشبو۔۔۔٭رویل خبر٭

لاہور (نیوز ڈیسک) نامور اداکارا خوشبو نے کہیا اے کہ سفارش تے شارٹ کٹ دی قائل نہیں تے کوئی بندا ایہ نہیں کَہ سکدا کہ اوہنے مینوں اپنے لئی سفارش کردیاں ہویاں ویکھیا ہووے‘ محنت نال حاصل کیتی گئی شہرت اثاثا ہوندی اے۔ اِک انٹرویو وچ خوشبو نے کہیا کہ میں اپنے جونیئرز نُوں وی مشورا دیندی آں کہ اوہ شوبز وچ محنت نال مقام حاصل کرن کیوں جے انسان شارٹ کٹ نال بڑی چھیتی اگے نکل جاندا اے پر اوسے رفتار نال واپس آ جاندا اے تے محنت نال حاصل کیتی گئی شہرت صدا تہاڈے کول اِک خزانے دی شکل وچ موجود رہندی اے۔ خوشبو نے کہیا کہ کرونا وباء دی وجھا توں ہر شعبے لئی اوکڑا پیدا ہوئیاں نیں تے تھیٹر وی ایہدے نال بُری طرحاں متاثر ہویا اے۔ خدا دی ذات توں دُعا اے کہ ایس وباء توں چھیتی مکمل چھٹکارا ملے۔