kraamaat@gmail.com
+ +92 333-430-6384


مچ وچ اینا ظلم ہو گیا‘ عمران صاحب کتھے غایب نیں: مریم اورنگزیزیب۔۔٭رویل خبر٭


نمائندا رویل January 06, 2021


اسلام آباد (نیوز ڈیسک) پاکستان مسلم لیگ (ن) دی ترجمان مریم اورنگزیب نے بلوچستان مچ واقع اُتے وزیراعظم عمران خان توں پُچھدیاں ہویاں کہیا اے کہ عمران صاحب بلوچستان‘ مچ وچ اینا وڈا ظلم ہو گیا‘ تُسیں کتھے غایب او۔ اپنے اِک بیان وچ اوہناں نے کہیا کہ عمران صاحب بے گناہ کان کناں دے ورثاء سخت سردی وچ بیٹھے نیں تے تُسیں نظر نہیں آ رہے۔ اوہناں نے کہیا کہ عمران خان پی ڈی ایم اُتے ہر دن اجلاس بلاندے نیں‘ ہزارا برادری دے قتل اُتے اجلاس کیوں نہیں بلایا۔ اوہناں نے کہیا کہ عمران صاحب ٹی وی لاؤ تاں جے تہانوں پتا لگ جاوے کہ مچ وچ کنا وڈا ظلم ہویا اے۔ اوہناں نے کہیا کہ اپوزیشن دور وچ وزیراعظم توں 24 منٹ وچ پہنچن دا مطالبا کرن والے عمران صاحب ہُن کیوں چُپ نیں۔