بھارتی کساناں دی حمایت کرد ے آں: گورنر پنجاب۔۔٭رویل خبر٭

مانانوالا (نیٹ نیوز) گورنر پنجاب چودھری محمد سرور نے کہیا اے کہ بھارتی کساناں دے سارے مطالبیاں دی پرزور حمایت کردے آں۔ دنیا وچ پاکستان پہلا ملک اے جتھے سکھ میرج ایکٹ پاس ہویا اے‘ وزیراعظم عمران خان دی قیادت وچ پاکستان تحریک انصاف دی حکومت پنج سال مکمل کرے گی‘ بلدیاتی چوناں دی تاریخ اگے کرنا کرونا توں بچاء لئی احتیاطی تدبیر دا حصا اے۔ ایہناں خیالاں دا اظہار گورنر پنجاب چودھری محمد سرور نے ننکانا صاحب وچ گرو دوارا جنم استھان آمد دے موقع اُتے گرو گوبند سنگھ دے جنم دن دی تقریب وچ رلت دے دوران میڈیا نال گلبات کردیاں ہویاں کیتا۔ اوہناں نے کہیا کہ پی پی ایس سی پیپرز لیک کرن وچ ملوث سارے ملازمین تے ذمے داراں نُوں گرفت وچ لیا کے قانونی کارروائی عمل وچ لیاندی جاوے گی۔