کھنڈ دے بھاء نُوں فیر پَر لگ گئے‘ کراچی لاہور وچ 90‘ ملتان وچ 95 رُپئے کلو وِکن لگی۔۔۔٭رویل خبر٭

لاہور (نیوز ڈیسک) پورے ملک وچ کھنڈ دی قیمت نُوں اِک واری فیر پَر لگ گئے‘ کراچی وچ دو دن دے دوران کھنڈ دی فی کلو قیمت وچ 5 رُپئے تک وادھا ہو گیا۔ وزیراعظم عمران خان نے پچھلے مہینے اپنی معاشی ٹیم نُوں ایس گل اُتے شاباش دِتی سی کہ کھنڈ دی فی کلو قیمت 81 رُپئے ہو گئی۔ ہُن لاہور‘ کراچی‘ کوئٹہ‘ ملتان تے فیصل آباد سنے پورے ملک دے وڈے شہراں وچ کھنڈ دی فی کلو قیمت اِک واری فیر اسمان نال گلاں کرن لگی اے۔ کراچی و چہول سیل بازار وچ کھنڈ دی 100 کلو دی بوری 8 ہزار 300 رُپئے وچ دستیاب اے‘ انج تھوک مارکیٹ وچ کھنڈ 82 رُپئے کلو مل رہی اے جد کہ مارکیٹ وچ کھنڈ 90 رُپئے کلو وچ مل رہی اے۔ انج ای لاہور وچ 85 توں 90 تے ملتان وچ 90 توں 95 رُپئے کلو وچ وِک رہی اے۔