نواز شریف دی سچائی تے امانتداری دی گواہی،ایون فیلڈ اپارٹمنٹس کیس دی اصلیت وی ساہمنے آ گئی: مریم نواز۔۔۔٭رویل خبر٭

لاہور (نیوز ڈیسک) مسلم لیگ (ن) دی آگو مریم نواز نے کہیا اے کہ اج الحمدللہ ایون فیلڈ اپارٹمنٹس کیس دی اصلیت وی ساہمنے آ گئی۔ نواز شریف دی صداقت تے امانتداری دی گواہی قدرت دے رہی اے۔ اپنے پیغام وچ مریم نواز نے لکھیا کہ براڈ شیٹ کمپنی نُوں نواز شریف دے خلاف مقدمے لبھن لئی 2 کروڑ 87 لکھ ڈالر ادا کیتے گئے فیر وی نا اہلی لئی اقامے تے سزا لئی جج ارشد ملک دا سہارا لینا پیا۔ نواز شریف دی حکومت دا تختا اُلٹن تے اوہناں نُوں انتخابی تے سیاسی میدان توں باہر رکھن لئی جہڑا مکروہ کھیڈ کھیڈیا گیا تے جہڑی خطرناک سازش رچائی گئی اوہدا اِک اِک مہرا ساہمنے آ رہیا اے۔ خدائی دعوے کرن والے بھُل جاندے نیں کہ کائنات دا نظام رب چلاندا اے۔ سازشیاں دا حساب دیہاڑ نیڑے اے۔