دیس وچ کرونا وایرس نال 1 دن وچ 52 بندے واصل ہو گئے جد کہ 2 ہزار توں ودھ مثبت کیسز ---٭رویل خبر٭

اسلام آباد (نیوز ڈیسک) پورے ملک وچ کرونا وایرس نال 1 دن وچ 52 بندے واصل ہو گئے جد کہ 2 ہزار توں ودھ مثبت کیسز رپورٹ ہوئے نیں۔ نیشنل کمانڈ اینڈ اپریسن سینٹر ولوں جاری کردا آنکڑیاں دے مطابق پچھلے 24 گھنٹیاں دے دوران 38 ہزار 917 کرونا ٹیسٹ کیتے گئے‘ جہدے بعد مجموعی کووڈ 19 ٹیسٹاں دی گنتی 69 لکھ 23 ہزار 857 ہو گئی اے۔ پچھلے 24 گھنٹیاں دے دوران پورے ملک وچ ہور 2 ہزار 118 مثبت کیسز رپورٹ ہوئے نیں‘ ایس طرحاں پاکستان وچ کرونا دے تصدیق شدا روگیاں دی گنتی 4 لکھ 92 ہزار 594 ہو گئی اے۔ سرکاری آنکڑیاں دے مطابق ہُن تک سندھ وچ 2 لکھ 20 ہزار 501‘ پنجاب وچ 1 لکھ 42 ہزار روگیاں وچ کرونا دی تشخیص ہو چکی اے۔ سرکاری آنکڑیاں دے مطابق ایس ویلے پورے ملک وچ کرونا دے فعال روگیاں دی گنتی 37 ہزار 740 ہو گئی اے جد کہ 2 ہزار توں ودھ روگیاں دی حالت ماڑی اے۔ پچھلے 24 گھنٹیاں دوران ہور 52 بندے مرن دے بعد ایس وباء نال مرن والیاں دی گنتی مجموعی طور اُتے 10 ہزار 461 ہو گئی اے۔