kraamaat@gmail.com
+ +92 333-430-6384


دیس وچ پنجاہ موتاں،دو ہزار ماڑی حالت وچ تے نویں دو ہزار کیسز رپورٹ۔۔۔٭رویل خبر٭


نمائندا رویل January 08, 2021


اسلام باد (نیوز ڈیسک) پورے ملک وچ کرونا وایرس نال 1د ن وچ 50 بندے چلانا کر گئے جد کہ 2 ہزار توں ودھ مثبت کیسز رپورٹ ہوئے نیں‘ ایس طرحاں پاکستان وچ کرونا دے مصدقا روگیاں دی گنتی 4 لکھ 95 ہزار 75 ہو گئی اے۔ نیشنل کمانڈ اینڈ اپریشن سینٹر ولوں جاری کردا آنکڑیاں دے مطابق ایس ویلے پورے ملک وچ کرونا دے فعال روگیاں دی گنتی 34 ہزار 49 ہو گئی اے جد کہ 2 ہزار توں ودھ روگیاں دی حالت ماڑی اے۔ دوجے پاسے وزیراعظم دے معاون خصوصی برائے صحت ڈاکٹر فیصل سلطان نے کووڈ فرنٹ لائن ہیروز نُوں خراج تحسین پیش کردیاں ہویاں اِک تقریب وچ کہیا کہ حکومت کووڈ فرنٹ لائن ورکرز دیاں زندگیاں دی حفاظت نُوں پہلی ترجیح دیندی اے‘ ساڈے ہیلتھ ورکرز دی عزت ایس لئی اے کہ اوہ اپنے آپ نُوں خطرے وچ پا کے اگے آئے‘ ہسپتال دے اخراجات برداشت نہ کرن والے صحت کارڈز توں مستفید ہون گے‘ کم کرن والے اداریاں دا معیار بہتر توں بہتر بناواں گے۔