پاکستانی اداکار علی رحمان وی کرونا وایرس دا شکار ۔۔۔٭رویل خبر٭

کراچی (نیوز ڈیسک) اداکار علی رحمان وی کرونا وایرس دا شکار ہو گئے۔ اداکار علی رحمان نے پچھلے دن اپنا کرونا وایرس دا ٹیسٹ مثبت آن دی خبر سوشل میڈیا اُتے شیئر کیتی۔ اوہناں نے لکھیا کہ ساریاں احتیاطی تدبیراں اختیار کرن دے باوجود بدقسمتی نال میرا کووڈ 19 دا ٹیسٹ مثبت آیا اے۔ میں اپنے نال رابطے وچ آن والے لوکاں نُوں اگاہ کر دِتا اے تے الحمدللہ اوہ سارے لوک محفوظ نیں۔ علی رحمان نے سارے لوکاں توں اوہناں دی صحت لئی دُعا دی درخاست کیتی۔ ایہدے علاوا لوکاں نُوں ماسک پان تے کرونا ایس او پیز اُتے عمل کرن دی ہدایت کیتی۔ واضح رہوے کہ علی رحمان توں پہلاں ہور وی کئی فنکار کرونا وایرس دا شکار ہو چکے نیں۔