جدوں بھارت شفٹ ہوئی لوکاں دا رویا بہت بُرا سی: نورا فتیحی ۔۔۔٭رویل خبر٭

ممبئی (نیوز ڈیسک) کینیڈا نال تعلق رکھن والی بالی ووڈ ڈانسر نورا فتیحی نے کیریئر دی ابتداء وچ پیش آن والیاں اوکڑاں دا ذکر کردیاں ہویاں کہیا اے کہ اِک ڈائریکٹر نے اوہناں نُوں کیریئر دی ابتد ا وچ صلاحیتاں توں عاری کہندیاں ہویاں اینی تنقید کیتی سی کہ اوہ رونا شروع ہو گئے سن۔ نورا فتیحی نے حال ای وچ کرینا کپور دے آن لاین شو وچ بالی ووڈ و چ تھاں بنان لئی پیش آن والیاں اوکڑاں دے بارے وچ کہیا کہ جدوں اوہ کینیڈا توں بھارت شفٹ ہوئے سن تے لوکاں دا رویا اوہناں دے نال بہت بُرا سی ایتھوں تک کہ اوہ سبھ کجھ چھڈ کے گھر واپس جان دے بارے وچ سوچن لگے سن۔ اوہناں نے کہیا اپنے کیریئر دے ابتدائی کجھ مہینیاں بعد میں اِک کاسٹنگ ڈائریکٹر نال ملی۔ اوس سوانی نے مینوں گھر بلایا تے میرے اُتے بے تحاشا چلائی تے کہیا تہاڈے ورگے بہت لوک نیں ایتھے‘ ساڈی انڈسٹری تہاڈے ورگے لوکاں توں تنگ آ چکی اے سانوں تہاڈی لوڑ نہیں تہاڈے وچ کوئی صلاحیت نہیں۔