زرداری،مولانا رابطے:ہر فورم تے حکومتی نااہلی نوں بے نقاب کیتا جاوے،استعفیاں تے یو ٹرن نہیں لیا:پی ڈی ایم آگو۔۔۔٭رویل خبر٭

اسلام آباد (نیوز ڈیسک) پی ڈی ایم دے آگو مولانا فضل الرحمان نے کہیا اے کہ استعفیاں تے لانگ مارچ اُتے یوٹرن نہیں لیا سگوں حکمت عملی تبدیل کیتی اے‘ سینیٹ الیکشن توں پہلے استعفے دیندے تے حکومت نُوں فایدا ہوندا‘ سانوں پنڈی ول مارچ کرن دا شوق نہیں اے‘ استعفے تے لانگ مارچ سینیٹ الیکشن دے بعد ہووے گا۔ منگل والے دن اسلام آباد وچ میڈیا نال غیر رسمی گلبات کردیاں ہویاں مولانا فضل الرحمان نے کہیا کہ آصف زرداری نال شکوا کیتا اے کہ پی ڈی ایم پلیٹ فارم اُتے تحریک عدم اعتماد دا بیانیا کیوں دِتا گیا‘ بہتر ہوندا 4 فروری نُوں پیپلز پارٹی سربراہان اجلاس وچ تجویز لیاندی تے اتفاق رائے نال فیصلا کیتا جاندا‘ سارے فیصلے مشاورت نال کرن اُتے اتفاق دے بعد ایہو جہے بیاناں توں گریز کرنا چاہیدا سی۔ اوہناں نے کہیا کہ میرے خیال وچ تحریک عدم اعتماد نہیں لیانی چاہیدی کیوں جے اسیں چیئرمین سینیٹ دے الیکشن دے نتیجے بھُگت چکے۔ اِک سوال دے جواب وچ اوہناں نے کہیا کہ سانوں پنڈی ول مارچ کرن دا شوق نہیں اے جے اوہ غیر جانبدار نیں تے نظر کیوں نہیں آ رہے۔ کیہ لوکائی نہیں جاندی کہ گلگت بلتستان د ے الیکشن وچ کیہ ہویا‘ ہُن ازاد کشمیر دیاں چوناں لئی کون کیہ پلاننگ کر رہیا اے؟ اسیں سبھ جاندے آں۔ایس توں پہلاں مسلم لیگ (ن) دے قائد میاں نواز شریف تے پچھلے صدر آصف علی زرداری نال پی ڈی ایم دے آگو مولانا فضل الرحمان نے ٹیلی فونک رابطا کیتا جہدے وچ کشمیر اُکسُرتا دیہاڑ د ے موقع اُتے 5 فروری نُوں پی ڈی ایم دا جلسا راولپنڈی لیات باغ توں ازاد کشمیر دی راجدھانی مظفر آباد منتقل کرن دا فیصلا کیتا گیا اے جد کہ نواز شریف نے بلاول بھو زرداری دی عدم اعتماد دی تحریک دی تجویز دی سخت مخالفت کیتی اے تے کہیا اے کہ ایس قسم دیاں تجویزاں دا مقصد حکومت نُوں لما کرنا اے تے ن لیگ ایہدی کدی حمایت نہیں کرے گی‘ ایس معاملے اُتے ساریاں جماعتاں نُوں اِک مؤقف اختیار کرنا چاہیدا اے‘ پی ڈی ایم آگو وجوں تُسیں بلاول تے آصف زرداری نال گل کرو جہدے اُتے مولانا فضل الرحمان نے کہیا کہ ایس معاملے اُتے 4 فروری نُوں پی ڈی ایم دے سربراہی اجلاس وچ گل کراں گے تے چاہندے آں کہ سارے معاملات افہام و تفہیم نال اگے ودھن‘ 4 فروری نُوں اجلاس بلایا اے جہدے وچ سارے آپشناں اُتے کھُل کے گل کراں گے۔ وسیلیاں نے دَسیاکہ مولانا فضل الرحمان تے نواز شریف نے ٹیلی فونک رابطے دوران موجودا سیاسی صورتحال اُتے وی وچار وٹاندرا کیتا جد کہ دوہاں آگوواں نے بجلی تے پٹرول دیاں قیمتاں وچ اودھے دی شدید لفظاں وچ نندیا کیتی اے تے ایس عزم دا اظہار کیتا اے کہ ہر فورم اُتے حکومتی نا اہلی نُوں بے نقاب کیتا جاوے گا۔ ایس توں بعد مولانا فضل الرحمان دا پچھلے صدر نال ٹیلی فونک رابطا ہویا جہدے وچ دوہاں آگوواں نے ملکی سیاسی صورتحال اُتے وچار وٹاندرا کیتا‘ دوہاں آگوواں نے اگوائی اجلاس توں پہلاں حکومت خالف تحریک تیز کرن اُتے اتفاق کیتا۔ زرداری،مولانا رابطے:ہر فورم تے حکومتی نااہلی نوں بے نقاب کیتا جاوے،استعفیاں تے یو ٹرن نہیں لیا:پی ڈی ایم آگو۔۔۔٭رویل خبر٭ اسلام آباد (نیوز ڈیسک) پی ڈی ایم دے آگو مولانا فضل الرحمان نے کہیا اے کہ استعفیاں تے لانگ مارچ اُتے یوٹرن نہیں لیا سگوں حکمت عملی تبدیل کیتی اے‘ سینیٹ الیکشن توں پہلے استعفے دیندے تے حکومت نُوں فایدا ہوندا‘ سانوں پنڈی ول مارچ کرن دا شوق نہیں اے‘ استعفے تے لانگ مارچ سینیٹ الیکشن دے بعد ہووے گا۔ منگل والے دن اسلام آباد وچ میڈیا نال غیر رسمی گلبات کردیاں ہویاں مولانا فضل الرحمان نے کہیا کہ آصف زرداری نال شکوا کیتا اے کہ پی ڈی ایم پلیٹ فارم اُتے تحریک عدم اعتماد دا بیانیا کیوں دِتا گیا‘ بہتر ہوندا 4 فروری نُوں پیپلز پارٹی سربراہان اجلاس وچ تجویز لیاندی تے اتفاق رائے نال فیصلا کیتا جاندا‘ سارے فیصلے مشاورت نال کرن اُتے اتفاق دے بعد ایہو جہے بیاناں توں گریز کرنا چاہیدا سی۔ اوہناں نے کہیا کہ میرے خیال وچ تحریک عدم اعتماد نہیں لیانی چاہیدی کیوں جے اسیں چیئرمین سینیٹ دے الیکشن دے نتیجے بھُگت چکے۔ اِک سوال دے جواب وچ اوہناں نے کہیا کہ سانوں پنڈی ول مارچ کرن دا شوق نہیں اے جے اوہ غیر جانبدار نیں تے نظر کیوں نہیں آ رہے۔ کیہ لوکائی نہیں جاندی کہ گلگت بلتستان د ے الیکشن وچ کیہ ہویا‘ ہُن ازاد کشمیر دیاں چوناں لئی کون کیہ پلاننگ کر رہیا اے؟ اسیں سبھ جاندے آں۔ایس توں پہلاں مسلم لیگ (ن) دے قائد میاں نواز شریف تے پچھلے صدر آصف علی زرداری نال پی ڈی ایم دے آگو مولانا فضل الرحمان نے ٹیلی فونک رابطا کیتا جہدے وچ کشمیر اُکسُرتا دیہاڑ د ے موقع اُتے 5 فروری نُوں پی ڈی ایم دا جلسا راولپنڈی لیات باغ توں ازاد کشمیر دی راجدھانی مظفر آباد منتقل کرن دا فیصلا کیتا گیا اے جد کہ نواز شریف نے بلاول بھو زرداری دی عدم اعتماد دی تحریک دی تجویز دی سخت مخالفت کیتی اے تے کہیا اے کہ ایس قسم دیاں تجویزاں دا مقصد حکومت نُوں لما کرنا اے تے ن لیگ ایہدی کدی حمایت نہیں کرے گی‘ ایس معاملے اُتے ساریاں جماعتاں نُوں اِک مؤقف اختیار کرنا چاہیدا اے‘ پی ڈی ایم آگو وجوں تُسیں بلاول تے آصف زرداری نال گل کرو جہدے اُتے مولانا فضل الرحمان نے کہیا کہ ایس معاملے اُتے 4 فروری نُوں پی ڈی ایم دے سربراہی اجلاس وچ گل کراں گے تے چاہندے آں کہ سارے معاملات افہام و تفہیم نال اگے ودھن‘ 4 فروری نُوں اجلاس بلایا اے جہدے وچ سارے آپشناں اُتے کھُل کے گل کراں گے۔ وسیلیاں نے دَسیاکہ مولانا فضل الرحمان تے نواز شریف نے ٹیلی فونک رابطے دوران موجودا سیاسی صورتحال اُتے وی وچار وٹاندرا کیتا جد کہ دوہاں آگوواں نے بجلی تے پٹرول دیاں قیمتاں وچ اودھے دی شدید لفظاں وچ نندیا کیتی اے تے ایس عزم دا اظہار کیتا اے کہ ہر فورم اُتے حکومتی نا اہلی نُوں بے نقاب کیتا جاوے گا۔ ایس توں بعد مولانا فضل الرحمان دا پچھلے صدر نال ٹیلی فونک رابطا ہویا جہدے وچ دوہاں آگوواں نے ملکی سیاسی صورتحال اُتے وچار وٹاندرا کیتا‘ دوہاں آگوواں نے اگوائی اجلاس توں پہلاں حکومت خالف تحریک تیز کرن اُتے اتفاق کیتا۔