آن لائن امتحانات دی منگ‘ احتجاج دوران 5 پڑھیار زخمی احتجاج وچ 300 توں 350 پڑھیار شامل سن……٭رویل خبر٭

لاہور (نیوز ڈیسک) آن لائن امتحانات دا مطالبا کرن والے لاہور دی نجی یونیورسٹی دے پڑھیاراں تے گارڈز وچ جھیڑے دے دوران کئی بندے زخمی ہو گئے جد کہ احتجاج جاری اے۔ جوہر ٹاؤن دے خیابان جناح روڈ اُتے واقع یونیورسٹی دے باہر آن لائن امتحانات دے مطالبے لئی صبح توں ای پڑھیار موجود سن۔ پولیس مطابق 300 توں ساڈھے 300 پڑھیاراں ایس احتجاج وچ رلت کیتی۔نجی یونیورسٹی دے پڑھیار احتجاج کردیاں ہویاں مرکزی گیٹ اُتے پہنچ گئے‘ احتجاج کرن والے پڑھیاراں نے یونیورسٹی انتظامیا خلاف نعرے بازی کیتی۔ احتجاج کرن والے پڑھیاراں دا کہنا اے کہ جدوں آن لائن پڑھایا اے تے آن لائن پیپرز ای لئے جائے۔ پڑھیاراں ولوں یونیورسٹی وچ داخل ہون دی کوشش اُتے گارڈ نے روکیا تے جھیڑا ہو گیا‘ 5 توں ودھ پڑھیار زخمی جد کہ اِک نُوں ماڑی حالت وچ ہسپتال منتقل کر دِتا گیا اے۔ پڑھیاراں دا کہنا اے کہ منگاںدی منظوری تک احتجاج جاری رکھاں گے‘ یونیورسٹی انتظامیا دا حالے تیکر کوئی مؤقف ساہمنے نہیں آیا۔