ویب سیریز نے کئی اداکاراں دی سوچ بدل دِتی اے: ودیا بالن ۔۔۔٭رویل خبر٭

ممبئی (نیوز ڈیسک) بالی ووڈ دی نامور اداکارا ودیا بالن مندے نیں کہ ویب سیریز تے فلماں (او ٹی ٹی پلیٹ فارمز) دے رحجان نے ایہناں سنے کئی اداکاراں دی سوچ بدل دِتی اے کیوں جے ایہدی وجھا توں پچھلے 10 مہینیاں دے دوران انٹرٹینمنٹ انڈسٹری وچ تبدیلی آئی اے۔ اوہ اداکار جہڑے ہُن تک ڈیجیٹل پلیٹ فارمز توں دور سن اوہناں نے وی اپنے کیریئر دے بارے وچ غور کرنا شروع کر دِتا اے۔ ودیا بالن دا کہنا اے کہ مینوں نہیں پتا کہ ایہ وباء دی وجھا توں اے یاں نہیں سگوں مینوں نہیں لگدا کہ ایہدی وجھا وباء اے۔ میرے خیال وچ ایہنوں اپنی پچھان بنان وچ ویلا لگا اے تے سانوں اصل وچ ایہدا پھَل وباء دے دوران کھان نُوں مِلیا۔