سوشل میڈیا اُتے ویڈیو وایرل کرنا اخلاقیات توں پریرے اے:ماہرہ خان

کراچی(نمائندا رویل)مشہور اداکارا ماہرہ خان نے پچھلے دیہاڑے سوشل میڈیا اُتے اپنے ڈانس دی ویڈیو وایرل ہون اُتے ردعمل دا اظہار کردے ہوئے اوہنوں غیر اخلاقی حرکت قرار دے دتا۔ پچھلے دیہاڑے سوشل میڈیا اُتے مشہور اداکارا ماہرہ خان دے ڈانس دی اک ویڈیو وایرل ہوئی جہدے وچ اوہ اپنے دوست دے ویاہ دی تقریب وچ ڈانس کر رہیاں نیں۔ ماہرہ خان نے غصے دا وکھالا کردے ہوئے آکھیا کہ ساڈی وی اپنی کوئی زندگی اے، کیہ ساڈا حق نہیں کہ اسیں اپنے دوستاں دیاں تقریباں وچ رلتی ہوئے؟ماہرہ خان نے آکھیا کہ کسے دی ذاتی ویڈیو سوشل میڈیا اُتے وایرل کرنا اخلاقیات دے منافی اے۔