قومی اسمبلی ارب پتی لوکاں دا کلب اے: سراج الحق ……٭رویل خبر٭

لاہور (نیوز ڈیسک) امیر جماعت اسلامی سینیٹر سراج الحق نے کہیا اے کہ قومی اسمبلی ارب پتی لوکاں دا کلب اے جہدے وچ گالھ مندے دے علاوا کجھ نہیں ہوندا۔ ارکان اسمبلی دی ویچ وٹک اُتے کدی ایکشن نہیں لیا گیا۔ وزیراعظم ویچ وٹک کرن والیاں نُوں جاندے نیں تے قوم نُوں ناں دَسن۔ وزیراعظم دیاں تقریراں سُن سُن کے لوکاں دے کن پَک گئے نیں۔ دَسن ہُن تک قوم لئی کیہ کیتا؟۔ ثابت ہو چکیا کہ پی ٹی آئی تے پی ڈی ایم سٹیٹس کو دے نمایندے‘ سبھ امریکا توں ڈکٹیشن لیندے نیں۔ جماعت اسلامی ایس سیاسی بریانی دا حصا نہیں بنے گی۔ عدالتاں تے ادارے طاقتور لوکاں اُتے ہتھ نہیں پاندے‘ پاناما لیکس وچ جہناں دے ناں آئے‘ اوہناں خلاف اج تک ایکشن نہیں لیا گیا۔