دِل دیاں دِل وچ رہ گئیاں  ،لاڑا سوہریاں ہتھوں لُٹیا گیا

مظفر گڑھ(نمائندا رویل )مظفر گڑھ وچ لاڑے نوں سوہریاں نے لُٹ لِتا۔تفصیل دے مطابق مظفر گڑھ وچ اک لاڑے نال ہوئی انوکھی واردات جہنوں لُٹن والے کوئی ہور نہیں سگوں اوہدے اپنے ہی سوہرے نکلے۔ لاڑا جدوں جنج لے کے اپنے سوہرے اپڑیا تے اوہنے نشے والی دوائی پیا کے لُٹ لیا گیا، جہدے مگروں لاڑے دے سوہرے اپنی دھی نوں وی لے کے فرار ہو گئے۔حامد حسین دا کہنا اے کہ میری 29نومبر نوں مہندی سی تے 30نومبر نوں نکاح ہویا سی، پر جدوں اسیں جنج لے کے سوہریاں گھر اپڑے تے فیر ساڈے کولوں نقدی تے سونا لُٹ لیا گیا۔