حکومت جا چکی اے: آصف علی زرداری ……٭رویل خبر٭

اسلام آباد (نیوز ڈیسک) پچھلے صدر آصف علی زرداری دا کہنا اے کہ حکومت جا چکی اے‘ جہڑے ایہناں نُوں نہیں جان دینا چاہندے اوہ سنبھال کے بیٹھے نیں۔ قومی اسمبلی وچ پچھلے صدر آصف علی زرداری توں صحافی نے سوال کیتا کہ تُسیں پیشن گوئی کیتی سی کہ حکومت مارچ وچ چلی جاوے گی‘ جہدے جواب وچ پیپلز پارٹی دے رلتی چیئرمین آصف زرداری نے کہیا کہ حکومت تے گئی ہوئی اے‘ جہڑے ایہناں نُوں نہیں جان دینا چاہندے اوہ سنبھال کے بیٹھے نیں۔ صحافی نے سوال کیتا کیہ سینیٹ الیکشن وچ وی اوہناں دا ہتھ اے۔ جہدے اُتے آصف زرداری نے ہسدیاں ہویاں جواب دِتا کہ اوہناں دا ہتھ کدوں نہیں رہیا؟۔ صحافی نے سوال کیتا کہ کیہ اوہ قوتاں غیر جانبدار نیں؟۔ جہدے اُتے پچھلے صدر نے سوال کیتا کہ تہانوں نظر آ رہیاں نیں۔ واضح رہوے کہ پچھلے صدر آصف زرداری نے قومی اسمبلی وچ ووٹ کاسٹ کر دِتا اے ایس توں پہلاں اوہناں دا بیلٹ پیپرضایع ہو گیا سی‘ اوہناں نے نویں بیلٹ پیپرز دی درخاست دِتی سی جہدے بعد اوہناں نُوں دوجا بیلٹ پیپر جاری کیتا گیا‘ بیلٹ پیپر اُتے ہتھ ہل جان نال غیر متعلقا تھاں اُتے نشان لگ گیا سی۔