kraamaat@gmail.com
+ +92 333-430-6384


سینٹ الیکشن مگروں اعتماد دا ووٹ لین دا فیصلا: عمران خان……٭رویل خبر٭


نمائندا رویل March 04, 2021


اسلام آباد (نیوز ڈیسک) سینیٹ الیکشن دے بعد وزیراعظم عمران خان نے ایوان توں اعتماد دا ووٹ لین دا فیصلا کر لیا۔ ایس اہم فیصلے دا اعلان وزیر خارجا شاہ محمود قریشی نے ہور وفاقی وزیراں دے نال ہنگامی پریس کانفرنس نال خطاب وچ کیتا۔ اوہناں دا کہنا سی کہ ایس فیصلے نال واضح ہو جاوے گا کہ کہڑا کتھے کھلوتا اے۔ وقتی طور اُتے تے یزیدی قوتاں نُوں کامیابیاں وکھائی دے سکدیاں نیں پر حق تے باطل دی لڑائی اسیں لڑدے رہواں گے۔ اج دا دن پاکستان دی جمہوریت لئی افسوسناک اے۔ جمہوریت دے علمبر داراں نے اج جمہوری قدراں نُوں قتل کیتا‘ اوہناں دی نفی کیتی۔ شاہ محمود قریشی دا کہنا سی کہ سینیٹ الیکشن دے نتیجے نال ساڈے بیانیے نُوں تقویت ملی‘ ساڈ ے دھڑکو درست ثابت ہوئے۔ یوسف رضا گیلانی دی جت لئی ہر حربا استعمال کیتا گیا۔ وزیر خارجا نے کہیا کہ الیکشن کمیشن شفافیت دی یقین دہانی تے اپنیاں ذمے دارایں سر انجام دین وچ ناکام رہیا۔ عمران خان دے بیانیے اُتے اج مہر لگی۔ پچھلے سینیٹ الیکشن وچ وی ووٹاں دی ویچ وٹک ہوئی۔ ضمیراں دے سودا گراں نے ضمیراں دی خریداری کیتی۔ سینیٹ الیکشن اوپن بیلٹ نال کروان نال کرپشن دا خاتما ہووے گا۔