رب دا شکر اے پی ڈی ایم نوں جِت ملی:مریم نواز……٭رویل خبر٭

اسلام آباد (نیوز ڈیسک) مسلم لیگ (ن) دی نائب صدر مریم نواز شریف نے پی ڈی ایم دے امیدوار یوسف رضا گیلانی دی فتح اُتے خشی دا اظہار کردیاں ہویاں ایہنوں لوکائی دی فتح متھ دِتا اے۔ سماجی رابطیاں دی ویب سائٹ ٹویٹر اُتے جاری بیان وچ مریم نواز نے لکھیا کہ اللہ تعالیٰ دا شکر اے کہ جہنے پی ڈی ایم نُوں جِت دِتی۔ جعلی مینڈیٹ لوکائی دے نمایندیاں واپس کھوہ لیا اے۔ مریم نواز شریف دا کہنا سی کہ اپنے ای لوکاں نے دباء دے باوجود آٹا چور‘ کھنڈ چور‘ بجلی چور‘ ووٹ چور لوکائی دے مجرم عمران خان نُوں ووٹ دین توں انکار کر دِتا۔ تہاڈے کول ہُن وزیراعظم ہاؤس اُتے قابض رہن دا کوئی جواز نہیں اے۔ ووٹ چور کرسی چھڈ۔ اوہناں دا کہنا سی کہ یوسف رضا گیلانی صاحب نُوں دلی مبارکباد‘ پی ڈی ایم نُوں وی مبارکباد‘ مسلم لیگ ن دے ممبران قومی اسمبلی نُوں وی مبارکباد تے شاباش۔ نواز شریف دے فیصلے تے بیانیے دا مان رکھیا تے جھُکن تے وِکن توں انکار کر دِتا۔ شاباش مسلم لیگ ن! مستقبل تہاڈا اے انشاء اللہ۔