پاکستان سٹاک مارکیٹ وچ تیزی دا رجحان،سرمائے وچ 32 ارب 73 کروڑ 50 لکھ رُپئے دا وادھا ریکارڈ……٭رویل خبر٭

کراچی (نمایندا رویل) پاکستان سٹاک مارکیٹ وچ بدھ نُوں وی تیزی دا رجحان غالب رہیا تے کے ایس ای 100 انڈیکس ہور 196.51 پوائنٹس دے وادھے نال 46 ہزار دی نفسیاتی حد نُوں بحال کردیاں ہویاں 46160.78 پوائنٹس دی سطح اُتے پہنچ گیا جد کہ 58.47 فیصد کمپنیاں دے شیئرز دیاں قیمتاں وچ وادھا ریکارڈ کیتا گیا جہدے نال مارکیٹ دے سرمائے وچ 32 ارب 73 کروڑ 50 لکھ رُپئے دا وادھا ریکارڈ کیتا گیا تے حصص دی لین دین دے لحاظ نال کاروباری حجم وی پیر دی نسبت 1.12 فیصد بُہتا رہیا۔ پاکستان سٹاک مارکیٹ وچ بدھ نُوں کاروبار دے اغاز وچ سرمایا کار سینیٹ الیکشن دے کارن محتاط نظر آئے جہدے کارن انڈیکس 45936 پوائنٹس دی سطح اُتے آ گیا۔