کھڈاریاں دا کرونا توں بچاء دے ٹیکے لگوان توں انکار۔محمد عامر‘ سہیل تنویر‘ سرفراز احمد سنے 112 کھڈاریاں نے آپ ویکسین لگوائی ۔۔۔۔٭رویل خبر٭

لاہور (نمایندا رویل) پی ایس ایل 6 وچ رلت کرن والے تقریبن 190 کھڈاریاں تے عہدیداراں نے کرونا وایرس توں بچاء دے ٹیکے لگوان توں انکار کر دِتا اے۔ پاکستانی کھداری نے اِک قومی اخبار نُوں دَسیا کہ کھڈاریاں نُوں ویکسین لین دے بارے وچ یقین نہیں سی ایس لئی اوہناں نے انکار کر دِتا۔ اوہناں نے ہور کہیا کہ 112 کھڈاریاں نے اپنے آپ نُوں ویکسین لگوائی‘ جہناں کھڈاریاں نے ویکسین لین اُتے اتفاق کیتا اوہناں وچ محمد عاعمر‘ سہیل تنویر‘ سرفراز احمد‘ عمر گل‘ امپائر احسن رضا تے ہور شامل سن ۔ کھڈاری نے ناں ظاہر نہ کرن دی شرط اُتے گلبات کردیاں ہویاں دعوا کیتا کہ آسٹریلین کھڈاریاں بین کٹنگ‘ کرس لین تے جیسن پیلگرام سنے گھٹ توں گھٹ 4 غیر ملکی کھڈاریاں تے عہدیداراں نے وی کرونا وایرس توں بچاء دے ٹیکے لگوائے نیں۔