رابی سوانیاں نُوں باعزت روزگار دوان لئی میدان وچ آ گئے ــــــ٭رویل خبر٭

لاہور (نمایندا رویل) شوبز نُوں خیر باد کہن والی رابی پیر زادا سوانیاں نُوں با عزت روزگار دی فراہمی لئی میدان وچ آ گئے‘ مستحق سوانیاں نُوں رزق حلال کمان ول راغب کرن لئی خصوصی ریڑھیاں تیار کروا لئیاں۔ رابی پیر زادا نے دَسیا کہ جہڑیاں سوانیاں محنت کر کے اپنے بچیاں لئی رزق حلال کمانا چاہندیاں نیں اوہناں لئی ریڑھیا ں تیار کروائیاں گئیاں نیں۔ زیادا تر سوانیاں کھان پین دیاں شیواں ویچنا چاہندیاں نیں تے ایہناں نُوں سامان دی خریداری لئی وی مدد فراہم کیتی جاوے گی۔ رابی پیر زادا نے کہیا کہ سانوں معاشرے دے مستحق لوکاں نُوں ضرور امداد دینی چاہیدی اے پر ایہدے نال ایہو جہیا انتظام کرنا چاہیدا اے کہ اوہ اپنا رزق آپ کما کے اپنے پَیراں اُتے کھلو سکن۔