ناچ دا ڈرامے دی کامیابی وچ وڈا کردار اے : خوشبو ــــــ٭رویل خبر٭

لاہور (نمایندا رویل) نامور اداکارا خوشبو نے کہیا اے کہ چنگے تے معیاری ڈانس دا ڈرامے دی کامیابی وچ کلیدی کردار اے‘ کرونا وباء وچ نقصان دے باوجود پروڈیوسر لوکائی نُوں سستی تفریح لئی ڈرامے پیش کر رہے نیں جہدے اُتے ایہناں دی ستائش کیتی جانی چاہیدی اے۔ اِک انٹرویو وچ خوشبو نے کہیا کہ میری کوشش ہوندی اے کہ ہر ڈرامے لئی منفرد تے معیاری ڈانس آئٹم تیار کراں تے ایہدے لئی کئی کئی دن تک مسلسل محنت کرنی پیندی اے۔ جے ایہ کہیا جاوے کہ رقص دے بغیر سیج ڈراما ادھورا اے تے ایہ غلط نہیں ہووے گا۔ اوہناں نے کہیا کہ سٹیج ڈرامے وچ ہور بہتری دی گنجایش موجود اے تے یقینن ایہدے لئی کوشش وی کیتی جاندی اے۔