شوبز وچ کامیابی لئی ڈرامیاں نال ماڈلنگ ضروری: عائزہ خان ــــــ٭رویل خبر٭

لاہور (نمایندا رویل) نامور اداکارا عائزہ خان نے کہیا اے کہ شوبز وچ کامیابی لئی ٹی وی ڈرامیاں وچ پرفارمنس دے نال ماڈلنگ کرنا نہایت ضروری اے‘ فنی کیریئر دے اغاز اُتے فیشن شوز وچ پرفارم کیتا جہدی وجھا توں چھیتی ٹی وی سکرین اُتے آن دا موقع مِلیا۔ اِک انٹرویو وچ عائزہ خان نے کہیا کہ ویاہ دے بعد مصروفیات ودھ جاندیاں نیں تے جے تُسیں پرسکون زندگی لنگھانی اے تے تہانوں شوبز تے گھریلو زندگی وچ توازن رکھن لئی شیڈول بنانا پوے گا ‘دوجی صورت تہاڈے لئی اوکڑاں پیدا ہو سکدیاں نیں۔ اوہناں نے کہیا کہ میں محنت کرن اُتے یقین رکھدی آں تے ایہدے بعد نتیجے اُتے والے دی ذات اُتے چھڈ دیندی آں‘ انج کدی نہیں ہویا کہ میں نیک نیتی نال محنت کیتی ہووے تے مینوںا وہدا صلا نہ مِلیا ہووے۔