کرکٹر بننا چاہندا ساں،گلوکاری نال کوئی دلچسپی نہیں سی: عاطف اسلم۔۔۔٭رویل خبر٭

لاہور (نیوز ڈیسک) گلوکار عاطف اسلم نے انکشاف کیتا اے کہ اوہ گلوکار دی بجائے کرکٹر بننا چاہندے سن۔ اوہناں نے اِک انٹرویو وچ کہیا کہ اوہناں دی پہلی ترجیح گلوکاری نہیں سی سگوں اوہ کرکٹ نُوں پیشے وجوں اپنانا چاہندے سن۔ اوہناں نے کہیا کہ اوہ شروع توں ای ایہ سمجھدے سن کہ اوہ اِک کھڈاری بنن گے پر اوہناں دے ماپے جاندے سن کہ ایہ صرف اوہناں دا شوق اے تے اوہ ایہناں نُوں پڑھائی ول مائل کردے سن پر اوہناں دی ساری توجا وکٹ لین ول سی۔ اوہناں نے اپنے بچپن بارے گل کردیاں ہویاں کہیا کہ اوہناں دے بھرا تے اوہناں دی عمر وچ بہت فرق سی ایس لئی ایہناں دوہاں دی بُہتی دوستی نہیں سی۔ اوہناں نے کہیا کہ اوہناں نے اپنے رویے دی وجھا توں اپنے کئی سنگی گوا دِتے۔