دو ورھیاں تک ٹیکسی ڈرائیور نے ہراساں کیتا: جمائما۔۔۔٭رویل خبر٭

لاہور (نیوز ڈیسک) وزیراعظم عمران خان دی پچھلی گھروالی تے برطانوی پروڈیوسر جمائما گولڈ اسمتھ نے انکشاف کیتا اے کہ ماضی وچ اوہناں نُوں 2 سال تک اِک ٹیکسی ڈرائیور نے ہراساں کیتا سی۔ مائیکرو بلاگنگ سائٹ ٹوئٹر اُتے اِک برطانوی سوانی نے ٹویٹ کردیاں ہویاں لکھیا کہ ’مینوں نہیں لگدا کہ مردا ایہ سمجھ سکدا اے کہ اسیں سوانیاں بچپن توں ای اپنے خوف نُوں کویں نَپ کے رکھدیاں آں۔‘ صحافی نے لکھیا کہ ’میں 14 سال دی عُمر توں چابیا اپنے کول رکھدی آں تے ہُن وی ایہو سوچدی آں کہ جے کوئی مینوں ہراساں کرے گا تے کیہ مینوں رؤلا پان دی ضرورت اے یاں نہیں۔‘ سوانی صحافی دے ایس ٹویٹ دا جواب دیندیاں ہویاں جمائما گولڈ اسمتھ نے لکھیا کہ ’جی ہاں‘ کنے خُش قسمت نیں اوہ لوک جہڑے پیدل چلن دے خوف دی وجھا توں بغیر کسے ڈر دے ٹیکسی دا انتخاب کردے نیں پر ٹیکسی وچ سفر کرنا ہر وار محفوظ نہیں ہوندا۔‘ جمائما نے سوالیا انداز وچ لکھیا کہ ’تہاڈے وِچوں کنے لوکاں نُوں سفر دوران مرد ٹیکسی ڈرائیور توں ڈر لگا اے؟‘ اوہناں نے اہم انکشاف کردیاں ہویاں لکھیا کہ ’میرے کول اِک ٹیکسی ڈرائیور سی جہنے مینوں 2 سال تک ہراساں کیتا۔‘