kraamaat@gmail.com
+ +92 333-430-6384
نمائندا رویل
March 12, 2021
لاہور (نمایندا رویل) ضلع کچہری لاہور وچ جوڈیشل مجسٹریٹ ذوالفقار باری دی عدالت نے پاکستان دے معروف گلوکار تے اداکار علی ظفر دے خلاف سوشل میڈیا اُتے مہم چلان دے کیس دی سنوائی کردیاں ہویاں کیس دی مرکزی ملزما تے گلوکارا میشا شفیع سنے 4 ملزماں دے عدالت وچ پیش نہ ہون اُتے برہمی دا اظہار کردیاں ہویاں ریمارکس دِتے کہ چاراں ملزماں نے اکٹھیا ای طبیعت خراب ہون دا بہانا بنا لیا اے جد کہ کیس دی پنجویں ملزما عفت عمر پچھلے دن عدالت وچ پیس ہو گئے۔ عدالت نے کیس دی اگلی سنوائی 27 مارچ تک لئی ملتوی کردیاں ہویاں پچھلے دن عدالت وچ پیش نہ ہون والے ملزمان میشاء شفیع‘ علی گل‘ لبنیٰ تے فریحہ گل نُوں اگلی پیشی اُتے سَد لیا اے تے سنوائی 27 مارچ تک لئی ملتوی کر دِتی اے۔
