جدوں وی موقع ملدا اے افتخار ٹھاکر دا سٹیج ڈراما ویکھدی آں: اداکارا جگن کاظم۔۔۔٭رویل خبر٭

لاہور (نیوز ڈیسک) نامور اداکارا مجمان جگن کاظم نے افتخار ٹھاکر نُوں اپنا پسندیدا کامیڈین اداکار مِتھ دِتا۔ اداکار ا نے کہیا کہ مینوں مصروفیات دی وجھا توں تھیٹر جا کے ڈراما ویکھن دا ویلا نہیں ملدا پر جدوں وی موقع ملدا اے تے افتخار ٹھاکر دا سٹیج ڈراما ویکھدی آں۔ اوہناں نے کہیا کہ سٹیج میڈیا دی بہت مضبوط شکل اے۔ تے ایہدے نال لوکاں دی تربیت دا کم لیا جا سکدا اے۔ اوہناں نے کہیا کہ پاکستان دے کامیڈین اداکار وی چاہندے نیں کہ معاشرے دی تربیت کیتی جاوے‘ ایس لئی لکھن والیاں نُوں چاہید ااے کہ اوہ سٹیج ڈرامیاں راہیں معاشرے دے مسئلیاں نُوں اجاگر کرن دے نال نوجوان نسل دی وی رہنمائی کرن۔