فوج اُتے تنقید کرن والے ملک دے خیر خواہ نہیں: چودھری سرور……٭رویل خبر٭

لاہور (نمایندا رویل) گورنر پنجاب چودھری محمد سرور نے اپوزیشن توں 26 مارچ دے لانگ مارچ اُتے نظرثانی دا مطالبا کردیاں ہویاں کہیا اے کہ افواج پاکستان نُوں تنقید دا نشانا بنان والے ملک تے قوم دے خیر خواہ نہیں‘ وزیر اعلا پنجاب سردار عثمان بزدار خلاف تحریک عدم اعتماد دا کوئی خطرا نہیں‘ میں پنجاب سرکار خلاف پی ڈی ایم دا کو ئی احتجاجی ریلا وی نہیں ویکھ رہیا‘ بے نظیر بھٹو دی شہادت اُتے پیپلز پارٹی نے ملکی مفاد وچ پاکستان کھپے دا نعرا لایا‘ اپوزیشن جماعتاں نُوں سبھ توں پہلے ملکی مفادات نُوں ترجیح دینی چاہیدی اے‘ بدقسمتی نال اپوزیشن جماعتاں ایس ویلے ہوش نال نہیں جوش نال سیاست کر رہیاں اے تے ایہ لوک ہر معاملے وچ قومی اداریاں نُوں متنازع بنان دیاں سازشاں کر رہے نیں۔