حرا مانی نے اپنے جڑواں بھرا دی تصویر شیئر کر دِتی ……٭رویل خبر٭

لاہور (نمایندا رویل) پاکستان دی معروف اداکارا تے ماڈل حرا مانی نے جڑواں ہون دا انکشاف کردیاں ہویاں اپنے جڑواں بھرا دی تصویر شیئر کر دِتی۔ انسٹا گرام اُتے حرا مانی ولوں اپنی تے جڑواں بھرا حسن جمال دی تصویر شیئر کیتی گئی اے۔ اداکارا نے تصویر وچ اپنے جڑواں بھرا حسن جمال نُوں ٹیگ کردیاں ہویا ں پوسٹ درج کیتی کہ اسیں جڑواں آں۔ حرا مانی نے غور ہیٹھ پوسٹ وچ اپنے پسندیدا فوٹو گرافر جعفر حسن نُوں وی ٹیگ کیتا۔ اودھر اداکارا دے جڑواں بھرا حسن جمال دے انسٹا گرام اکاؤنٹ اُتے وی حرا مانی دے نال اوہناں دیاں کئی تصویراں موجود نیں۔ اداکارا دی تصویر اُتے مداحاں ولوں ہزاراں لائیکس تے کمنٹس کیتے جا چکے نیں۔