kraamaat@gmail.com
+ +92 333-430-6384


اپوزیشن آئے تے ساڈے نال بَہ کے الیکشن اصلاحات کرے: ڈاکٹر یاسمین راشد……٭رویل خبر٭


نمائندا رویل March 16, 2021


فیصل آباد (نیوز ڈیسک) صوبائی وزیر صحت ڈاکٹر یاسمین راشد نے کہیا اے کہ ایہ جلسے جلوس دا ویلا نہیں‘ اپوزیشن نُوں تحفظات نیں تے بَہ کے گل کرے‘ اپوزیشن آئے تے ساڈے نال بَہ کے الیکشن اصلاحات کرے۔ اللہ اپوزیشن نُوں عقل دیوے میں ایہناں لئی دُعا کر سکدی آں‘ اِک اپوزیشن لیڈر دے کرونا لاک ڈاؤن اُتے نامناسب تبصرے اُتے افسوس ہویا۔ کرونا ویکسین دا کوئی نقصان نہیں اسیں محفوظ ترین ویکسین لا رہے آں‘ دو دن بعد ویکیسن دی وڈی کھیپ پاکستان پہنچ رہی اے۔ چار کروڑ 40 لکھ ویکسین ہور پہنچ رہی ایتے ویکسینیشن دے عمل وچ تعطل نہیں آن دِتا جاوے گا‘ کرونا دی تیجی لہر شروع اے جہدے توں بچن لئی احتیاطی تدبیراں تے ایس او پیز اُتے عملدرآمد ضروری اے۔