kraamaat@gmail.com
+ +92 333-430-6384


وزیراعظم نے نوشہرا وچ زیتون شجرکاری مہم دا اغاز کر دِتا……٭رویل خبر٭


نمائندا رویل March 16, 2021


نوشہرا (نمایندا رویل) وزیراعظم عمران خان ولوں نوشہرا وچ زیتون دی شجرکاری مہم دا اغاز کر دِتا گیا اے۔ وزیراعظم عمران خان نُوں شجرکاری مہم بارے بریفنگ وی دِتی گئی۔ وزیراعظم عمران خان نُوں شجرکاری مہم بارے دِتی گئی بریفنگ وچ دَسیا گیا اے کہ زیتون دا ودھا 10 بلین ٹری پلان دا حصا اے۔ زیتون دی شجرکاری دس بلین ٹری سونامی پروگرام دا حصا ہووے گی‘ پروگرام دے تحت پورے ملک وچ موزوں تھاواں اُتے زیتون دی شجرکاری کیتی جاوے گی۔ شجرکاری مہم دے سلسلے وچ منعقدا تقریب نال خطاب کردیاں ہویاں وزیراعظم نے کہیا کہ زیتون دی پیداوار دے اثرات پورے پاکستان اُتے پین گے۔ وزیراعظم دا کہنا سی کہ پاکستان نُوں مختلف چیلنجز درپیش نیں ایہدے وچ سبھ توں ودھ خوراک دا تحفظ اے‘ اِک ویلا سی کہ اسیں کنک برآمد کردے سن تے پچھلے 2 سال توں اسیں درآمد کر رہے آں‘ شجرکاری مہم کامیاب رہی تے پورے ملک لئی فایدے مند ہووے گی۔