کیہ کرونا وایرس صرف تعلیمی اداریاں وچ اے؟: مہوش حیات……٭رویل خبر٭

لاہور (نمایندا رویل) پاکستان دی معروف اداکارا تے تمغا امتیاز مہوش حیات نے حال ای وچ اسلام آباد وچ ہون والے میوزک کنسرٹ اُتے شدید برہمی دا اظہار کیتا اے۔ سماجی رابطے دی ویب سائٹ ٹوئٹر اُتے اِک ویڈیو شیئر کیتی گئی جہڑی اسلام آباد وچ ہون والے میوزک کنسرٹ دی سی۔ ویڈیو شیئر کردیاں ہویاں سوالیا انداز وچ لکھیا گیا کہ ”کیہ کرونا وایرس صرف تعلیمی اداریاں وچ اے؟ مہوش حیات نے ایس ٹویٹ اُتے اپنا رد عمل دیندیاں ہویاں لکھیا کہ ”بہت سارے لوکاں دے نال براہ راست میوزک کنسرٹ دا انعقاد ہونا مایوس کن اے جد کہ اسیں حالے وی عالمی وباء کرونا وایرس توں ازاد نہیں آں۔ اداکارا نے لکھیا کہ ”کرونا وایرس دے خطرناک معاملات اِک واری فیر ٹیسی اُتے نیں۔