کرونا وایرس: اِک دن وچ اکاہٹھ(61)بندے  اگلے جہان ٹر گئے دو ہزار توں ودھ نویں کیسز……٭رویل خبر٭

اسلام آباد (نیوز ڈیسک) پورے ملک وچ کرونا وایرس نال 1 دن وچ ہور 61 بندے چلانا کر گئے جد کہ 2 ہزار توں ودھ مثبت کیسز رپورٹ ہوئے نیں۔ نیشنل کمانڈ ایند آپریشن سینٹر ولوں جاری آنکڑیاں دے مطابق پچھلے 24 گھنٹیاں دوران پاکستان وچ ہور 2 ہزار 351 مثبت کیسز رپورٹ ہوئے نیں‘ ایس طرحاں پاکستان وچ کرونا دے روگیاں دی گنتی 6 لکھ 12 ہزار 315 ہو گئی اے۔ سرکاری آنکڑیاں مطابق ایس ویلے پورے ملک وچ کرونا دے فعال روگیاں دی گنتی 22 ہزار 792 اے جد کہ 1 ہزار توں ودھ روگیاں دی حالت ماڑی اے۔ پچھلے 24 گھنٹیاں وچ 61 بندیاں دی ہلاکت بعد واصل ہون والے بندیاں دی مجموعی گنتی 13 ہزار 656ہو گئی اے۔ این سی اوسی دے مطابق کرونا نال 1 دن وچ 2 ہزار 853 روگی صحت یاب ہوئے.