سکون صرف رب نُوں یاد کرن وچ اے‘ ’خان صاحب گھبرانا اے‘:اداکارا متھیرا دا وزیراعظم عمران خان نُوں مشورا……٭رویل خبر٭

لاہور (نیوز ڈیسک) پاکستانی مجمان تے وی جے متھیرا نے وزیراعظم پاکستان عمران خان نُوں مشورا دِتا اے۔ متھیرا اپنے کپڑیاں تے بے باک انداز کارن کافی مشہور نیں۔ پاکستان وچ اوہناں دی امیج وی کافی بولڈ اے حال ای وچ اوہناں نے اِک آن لائن شو دوراپنے بارے وچ تے پاکستانی سیاست دے بارے وچ گل کیتی۔ متھیرا آن لائن شو ٹو بی آنیسٹ 2.0 وچ رلتی ہوئے جتھے مجمان نے اوہناں توں پُچھیا سکون کہڑی شے وچ اے؟ تے متھیرا نے جواب دِتا سکون صرف رب نُوں یاد کرن وچ اے۔ میری زندگی دا اِک مقصد ا ’رب راضی تے سبھ راضی۔ رب نُوں راضی کرن نال دنیا تہاڈے قدماں وچ ہوندی اے۔ مجمان نے پُچھا رب نُوں کویں راضی کیتا جاوے جہدے جواب وچ متھیرا نے کہیا کہ اسیں کئی شیواں اُتے غور کردے آں پر انسانیت اُتے کوئی فوکس نہیں کردا۔ اللہ ساریاں دے دل وچ وَسدا اے ایس لئی کسے دا دل نہیں دُکھانا چاہیدا۔ مجمان نے متھیرا نُوں موجودا حکومت تے وزیراعظم عمران خان نُوں اِک مشورا دین لئی کہیا تے متھیرا نے خان صاحب نُوں مشورا دیندیاں ہویاں کہیا ”خان صاحب گھبرانا اے“ اسیں تے گھبرا رہے آں تُسیں وی گھبرا لوو۔ متھیرا نے پاکستانی سیاست اُتے گل کردیاں ہویاں کہیا کہ مینوں انج لگدا اے پاکستان وچ مشرف دا دور تے اوہناں ے بعد آصف زرداری دا دور بہت بہتر سی۔ اپنے پسندیدا سیاستدان بارے وچ دَسدیاں ہویاں متھیرا نے کہیا کہ مینوں بلاول بھٹو پسند نیں اوہ اِک چنگے لیڈر بن سکدے نیں ایہدا ٹائم آئے گا۔ متھیرا نے اپنی متنازع شخصیت بارے گل کردیاں ہویاں کہیا کہ میں اپنے کیریئر دی شروعات بہت چھوٹے چینل توں کیتی سی تے میری پچھان بنی ای اوس ویلے جدوں شو اُتے اِک بندے نے میری بے عزتی کیتی‘ ایس لئی بے عزتی نے ای میرا ناں بنایا اے۔