انجلینا دے پُتر دی بریڈپٹ خلاف عدالت وچ گواہی……٭رویل خبر٭

ہالی ووڈ دی مشہور فلمی جوڑی انجلینا جولی تے بریڈ پٹ دے وڈے پُتر نے والد دے خلاف عدالت وچ گواہی دِتی اے‘ انجلینا تے بریڈ پٹ دے وچکار ہون والی عدالتی جنگ وچ میڈوکس ایس توں پہلاں وی اِک واری گواہی دے چکے نیں جو کہ بریڈ پٹ دے حق وچ کجھ خاصی چنگی نہیں سی۔ غیر ملکی میڈیا مطابق ہالی ووڈ اداکارا انجلینا جولی دا کہنا اے کہ اوہناں دا پُتر میڈوکس سرکاری طور اُتے اپنے ناں دے نال ”پٹ“ ہٹا کے ”جولی“ وچ تبدیل کروانا چاہندا اے جہدے اُتے انجلینا نے میڈوکس نُوں منع کیتا جد کہ غیر سرکاری سطح اُتے میڈوکس اپنے ناں دے نال بریڈ پٹ دا ناں استعمال نہیں کردے۔ عدالت وچ جمع کروائے گئے دستاویزات مطابق بریڈ پٹ‘ انجلینا جولی تے اپنے بچیاں اُتے تشدد کردے سن۔