دورا جنوبی فریقا تے زمبابوے دیاں تیاریاں لئی پاکستانی سکواڈ دے پریکٹس سیشن  شروع……٭رویل خبر٭

لاہور (نیوز ڈیسک) دورا جنوبی افریقا تے زمبابوے دیاں تیاریاں لئی پاکستانی سکواڈ نے پریکٹس سیشن دا اغاز جمعے دی نماز دی ادائیگی نال کیتا۔ سرفراز احمد نے امام دے فرائض نبھائے‘ نماز دے بعد فزیکل فٹنس دیاں مختلف مشقاں نال ٹریننگ شروع کیتی گئی۔ کھڈاریاں نُوں میچ د ا ماحول فراہم کرن لئی ٹیم انتظامیا نے کیمپ وچ دو پریکٹس میچز وی پلان کیتے نیں۔ قومی سکواڈ 26 مارچ نُوں خصوصی طیارے راہیں جوہانسبرگ روانا ہووے گی۔ زمبابوے دے خلاف ٹیسٹ میچز لئی دستے دی 12 اپریل نُوں روانگی طے اے۔ یاد رہوے کہ ایہناں دوہاں دوریاں لئی منتخب کیتے جان والے کھڈاریاں اُتے حالے تک بحث ہو رہی اے تے عماد وسیم نُوں ڈراپ کرن اُتے بورڈ انتظامیا شدید تنقید دی زَد وچ اے۔