اپنے نِکے پُتر نُوں ویکھن  توں اپنے آپ نُوں روک نہیں سکدی: کرینا کپور ……٭رویل خبر٭

ممبئی (نیوزڈیسک) پچھلے مہینے دوجے پُتر دی ماں بنن والی بالی ووڈ دی بیبو‘ اداکارا کرینا کپور نے کہیا اے کہ اوہ اپنے نِکے پُتر نُوں تکدے رہن توں اپنے آپ نُوں روک نہیں پا رہے۔ سوشل میڈیا سائٹ انسٹا گرام اُتے کرینا کپور نے اپنی نویں تصویر شیئر کیتی اے جہدے وچ اوہ اپنے نِکے پُتر ول ویکھ رہے نیں جد کہ تصویر وچ اوہناں دا پُتر نظر نہیں آ رہیا۔ انسٹا گرام اُتے شیئر کیتی گئی تصویر بیرنگ یعنی بلیک اینڈ وائٹ اے پر ایہدے باوجود وی بالی ووڈ اداکارا دلکش لگ رہے نیں۔ ایس پوسٹ اُتے بھارتی فنکاراں سنے پوری دنیا وچ موجود اوہناں دے مداح محبت بھرے تبصرے کر رہے نیں۔ کرینا کپور نے ایہ تصویر 17 گھنٹے پہلے ای انسٹا گرام اُتے شیئر کیتی اے جہنوں ہُن تک 5 لکھ 73 ہزار توں ودھ صارفین لائک کر چکے نیں۔