بالی ووڈ اداکار عامر خان کرونا وایرس دا شکار ہو  ……٭رویل خبر٭

ممبئی (نیٹ نیوز) بالی ووڈ دے مسٹر پرفیکشنسٹ عامر خان وی کرونا وایرس دا شکار ہو گئے۔ بھارتی میڈیا مطابق اداکار عامر خان دا کرونا ٹیسٹ مثبت آیا اے جہدے بعد اوہناں نے اپنے آپ نُوں کلّا کر لیا اے تے اوہ گھر وچ رہ کے ای کووڈ 19 دے حوالے توں دِتی گئی گائیڈ لائنز نُوں فالو کر رہے نیں تے اپنے سٹاف نُوں وی آرام کرن‘ احتیاط ورتن تے کرونا ایس او پیز اُتے عمل کرن دی ہدایت کیتی اے۔ ترجمان دے مطابق عامر خان دی حالت بہتر اے تے اوہ ساریاں احتیاطی تدبیراں اُتے عمل کر رہے نیں۔ اوہناں نے کہیا کہ پچھلے کجھ دناں وچ جہڑے بندے عامر خان نال رابطے وچ رہے نیں اوہناں نُوں چاہیدا اے کہ اوہ وی اپنے آپ نُوں کلّا کر لین۔