سنجے دت نے وی کرونا توں بچاء لئی ویکسین لگوا لئی ……٭رویل خبر٭

لاہور (نیوز ڈیسک) بالی ووڈ دے مقبول ترین اداکار سنجے دت نے وی عالمی وباء کرونا وایرس توں بچاء لئی کرونا ویکسین لگوا لئی۔ سنجے دت نے مائیکرو بلاگنگ سائٹ ٹوئٹر اُتے اپنی نویں تصویر شیئر کیتی جہدے وچ اوہ بھارت دے اِک ویکسینیشن سینٹر وچ کرونا ویکسین لگوا رہے نیں۔ بالی ووڈ اداکار نے تصویر شیئر کردیاں ہویاں دَسیا کہ ’اوہناں نے کرونا وایرس دی پہلی ویکسین لگوا لئی اے۔ اوہناں نے کہیا کہ اوہ ڈاکٹر تے اوہناں دی پوری ٹیم نُوں اوہناں داں لاجواب خدمتاں لئی شکریا ادا کرنا چاہندے نیں۔ سنجے دت نے ہور کہیا کہ اوہناں نُوں ایتھے دے سارے ڈاکٹراں تے سٹاف نے بے انتہا عزت تے پیار دِتا جہدے لئی اوہ ساریاں دے مشکور نیں۔