kraamaat@gmail.com
+ +92 333-430-6384


تمغا میری محنت دا مِٹھا پھَل اے:  ریشم  ……٭رویل خبر٭


نمائندا رویل March 25, 2021


لاہور (نیوز ڈیسک) سینئر اداکارا ریشم نے تمغا حُسن کمکاری نال نوازن اُتے خُشی دا اظہار کردیاں ہویاں کہیا اے کہ ایہ تمغا میری محنت دا مِٹھا پھَل اے۔ ریشم نے صدرِ مملکت توں ایوارڈ وصول کردیاں ہویاں تصویر شیئر کردیا ں ہویاں خُشی دا اظہار کیتا۔ اوہناں نے لکھیا کہ ’زندگی دا ایہ لمحا اِک خاب جہیا لگ رہیا اے‘ پر ایس خاب نُوں میرے خدا نے سچ کیتا اے۔ اداکارا نے کہیا کہ ’ایہ پرائیڈ آف پرفارمنس دا تمغا نہیں سگوں میری محنت دا اوہ مِٹھا پھَل اے کہ جہنوں میرے رب نے مینوں چکھنا نصیب کیتا۔ یاد رہوے کہ ملک دیاں 22 شخصیات نُوں تمغا شجاعت تے 33 نُوں ستارا شجاعت نال نوازیا گیا اے۔ تقریب وچ زندگی دے مختلف شعبیاں دوران نمایاں خدمتاں اُتے 8 شخصیات نُوں ستارا امتیاز تے 22 نُوں صدارتی اعزاز برائے حُسن کمکاری نال نوازیا گیا۔