گل سماء قتل کیس:نویں ثبوتاں نے کیس دا رُخ موڑ دِتا

حیدر آباد(رویل نیوز)حیدر آباد دے علاقے دادو وچ مبینا طور اُتے غیرت دے ناں اُتے 9ورھیاں دی بالڑی گل سماء رند دی موت دے معاملے وچ پیش رفت ساہمنے آئی اے۔ میڈیکل رپورٹ وچ انکشاف کیتا گیا اے کہ سپاٹ اُتے کیتے گئے پوسٹ مارٹم وچ سنگسار کرن دے ثبوت نہیں لبھے۔ دکن میڈیکل بورڈ دے پروفیسر وحید علی ناھیوں دا آکھنا اے کہ پوسٹ مارٹم رپورٹ دے مطابق لگدا اے کہ سماء رند اُتے کوئی بھاری شے ڈِگی اے، معمول دے حملے وچ اِنج نہیں ہوندا۔پروفیسر وحید علی دے مطابق گل سماء دے مونہ ہیٹھاں دیاں ہڈیاں ٹُٹیاں ہوئیاں نیں تے جُسے دے کسے حصے وچ پھٹ نہیں سی۔پوسٹ مارٹم رپورٹ وچ انکشاف ہویا اے کہ گل سماء دے سِر دی ہڈی تے لک دیاں 4پسلیاں ٹٹیاں ہوئیاں سن جدوں کہ گل سماء اُتے تشدد دے نشان نہیں لبھے۔ حادثے تے ڈیپ انجری دے ثبوت لبھے نیں۔