رمضان توں پہلاں کھاون پیون دیاں شیویاں مہنگیاں،غریباں دیاں اوکڑاں ودھ  گئیاں ……٭رویل خبر٭

اسلام آباد (نیوز ڈیسک) رمضان المبارک توں پہلے کھاون پیون شیواں دیاں قیمتاں وچ انھا وادھا ویکھن وچ ساہمنے آیا اے۔ رمضان توں پہلاں لوڑی دیاں شیواں کھنڈ‘ مرغی‘ پھَل‘ سبزی دیاں ودھدیاں قیمتاں نال شہری پریشان نیں جد کہ غریب تے متوسط طبقے دیاں اوکڑاں ہور ودھ گئیاں نیں۔ کراوی وچ اِک کلو کھنڈ 105 رُپئے دی ہو گئی اے۔ پختونخواتوں آٹا تے کھنڈ غایب ہو گئی اے۔ پنجاب وچ کھنڈ دی قیمت 110 رُپئے کلو گرام تک چلی گئی جد کہ ہول سیل دُکانداراں دا کہنا اے کہ ایف آئی اے دیاں کارروائیاں بعد کھنڈ ڈیلرز نے سپلائی روکی۔ دُکانداراں مطابق ایف آئی اے دیاں کارروائیاں دے بعد کھنڈ سپلائی رُک گئی اے جہدے نال قیمتاں وچ وادھا ہویا اے۔