وینا ملک دے بالاں دی پاکستان منتقلی کیس دی سنوائی،اسد خٹک دی درخاست حقایق دے اُلٹ اے: وزارت خارجا ……٭رویل خبر٭

اسلام آباد (نیو ز ڈیسک) اسلام آباد ہائیکورٹ دے چیف جسٹس اطہر من اللہ دی عدالت نے اداکارا وینا ملک دے پچھلے خاوند اسد خٹک دی 2 بچیاں دی پاکستان منتقلی خلاف درخاست اُتے سنوائی کیتی۔ وزارت خارجا نے اسد خٹک دی درخاست نُوں حقایق دے منافی متھ دِتا۔ وزارت خارجا دے نمایندے نے عدالت توں استدعا کیتی کہ اسد خٹک دی درخاست خارج کیتی جاوے۔ ڈی جی وزار خارجا نے تحریری جواب اسلام آباد ہائیکورٹ وچ جمع کروا دِتا۔ اسد خٹک نے حقایق لُکاندیاں ہویاں جھیڑویں مواد دے نال درخاست دایر کیتی۔ وینا ملک نے نادر دی نائیکوپ دی کاپی دبئی وچ پاکستانی ہائی کمیشن نُوں فراہم کیتی۔ راولپنڈی دی عدالت توں جاری کردا بچیاں دی گارڈین شپ دا سرٹیفکیٹ وی فراہم کیتا‘ پاکستانی قوانین مطابق بچیاں نُوں پاسپورٹ جاری کیتا گیا‘ پاکستانی ہائی کمیشن نے پاسپورٹ جمع کروان اُتے ایمرجنسی سفری دستاویزات جاری کیتے۔ ایس موقع اُتے عدالت نے وزات خارجا د ے جواب دی کاپی اسد خٹک نُوں فراہم کرن دا حکم دیندیاں ہویاں سنوائی 20 اپریل تک ملتوی کر دِتی۔