سپریم کورٹ: غیر معیاری سٹنٹس کیس دی سنوائی،ملک وچ غیر معیاری سٹنٹس استعمال ہو رہے نیں: چیف جسٹس……٭رویل خبر٭

اسلام آباد (نیوز ڈیسک) سپریم کورٹ نے غیر معیاری سٹنٹس کیس دی سنوائی دے موقع اُتے نیشنل انٹروینشل کارڈیالوجی بورڈ (این آئی سی بی) دیاں سفارشاں اُتے عملدرآمد رپورٹ منگدیاں ہویاں معاملے دی سنوائی غیر معینا مدت تک ملتوی کر دِتی اے۔ سنوائی دوران جسٹس اعجاز الاحسن نے ریامرکس دِتے کہ غیر معیاری سٹنٹس درآمد کرن دی اجازت نہی ہونی چاہیدی۔ چیف جسٹس گلزار احمد نے ریمارکس دِتے کہ عدالتی احکامات تے این آئی سی بی دیاں سفارشاں اُتے عمل نہیں ہو رہیا‘ ملک وچ غیر معیاری سٹنٹس استعمال ہو رہے نیں۔ دل دے روگاں دے معاملات نُوں ناتجربا کار ماہرین اُتے چھڈ دِتا گیا اے۔