کرونا ویکسین خریدن واسطیاِک ارب پنجاہ کروڑ  سرکاری خزانے وچوں وکھ کر دتے نیں: وزیر اعلا پنجاب سردار عثمان بزدا ر……٭رویل خبر٭

لاہور (نمایندا رویل) وزیر اعلا پنجاب سردار عثمان بزدا ر نے کرونا ویکسین دیاں 10 لکھ خوراکاں خریدن لئی 1 ارب 50 کروڑ رُپئے وکھ کرن دا اعلان کیتا اے۔ وزیر اعلا عثمان بزدار نے مینار پاکستان دے نیڑے ایل ڈی اے سپورٹس کَمپلیکس وچ قایم کرونا ویکسینیشن سنٹر دے دورے دے بعد میڈیا نال گلبات کردیاں ہویاں کہیا کہ پنجاب سرکار نے کرونا ویکسین خریدن لئی فنڈز مختص کر دِتے نیں تے ایس ضمن وچ پنجاب سرکار تقریبن 10 لکھ توں ودھ کرونا ویکسین دیاں خوراکاں خریدے گی۔ اوہناں نے کہیا کہ میں اج کرونا ویکسینیشن سینٹر دا دورا کیتا تے مینوں خُشی اے کہ سینٹر وچ بہترین انتظامات کیتے گئے نیں تے بزرگ شہریاں دی سہولت لئی وی خصوصی انتظامات موجود نیں‘ جہدے اُتے محکما صحت تے انتظامیا نُوں مبارکباد دیندا آں۔ اوہناں نے کہیا کہ بزرگ شہریاں تے خصوصی بندیاں نُوں ایمبولینس راہیں گھر وچ ویکسینیشن دی سہولت فراہم کیتی جاوے گی۔