انوکھا ویاہ:آئی سی یو وچ خد کشی کرن والی نال زبردستی ویاہ کرنا پیا، دولہا فرار

نویں دِلی(نیٹ نیوز)۔خدکشی کرن والی کُڑی دا ICUوچ ویاہ۔تفصیل دے مطابق بھارت وچ اک کُڑی نوں بوائے فرینڈ نال ویاہ توں انکار مہنگا پے گیا۔ کُڑی نے خدکشی دی کوشش کیتی تے مُنڈے نال اوہنوں آئی سی یو وچ زبردستی پھیرے لینے پے گئے۔بھارتی شہر پونے وچ ہیٹھلی ذات توں تعلق رکھن وال اک کُڑی نے اپنے بوائے فرینڈ ولوں ویاہ توں انکار اُتے دُکھی ہوکے خدکشی دی کوشش کیتی پر بھلے لیکھاں نال بچ گئی۔مقامی پولیس دے مطابق مُنڈے نوں پولیس دے سدن اُتے آئی سی یو وچ داخل کُڑی نال زبردستی ویاہ لئی آنا مہنگا پیا پر ویاہ دے پھیرے لیندے ای مُنڈا اوتھوں فرار ہون وچ کامیاب ہوگیا۔پولیس دے مطابق ایس واقعے مگروں کڑی ولوں پولیس نوں ایف آئی آر درج کروائی گئی اے جہدے وچ کُڑی دا آکھنا اے کہ مُنڈے نے اوہنوں زیادتی دا نشانا بنایا سی۔